reklama

reklama

reklama

ПРЕДАВАЊЕ ЗА СТИБЕРА PDF Печати Е-пошта
Прочитано : 18 пати
Недела, 24 Септември 2017

Во ДНУ

Od dosega otkrienite artefakti na   Stibera

Под наслов „Античкиот град Стибера“, археологот Душко Темелкоски од Завод и Музеј во ДНУ имаше предавање, поткрепено со фото  проекција, за еден од најзначајните антички локалитети во земјава - Стибера во близината на селото Чепигово. Тој го пренесе историјатот на античкиот град кој егзистирал од 3 век п.н.е до 4 век, а процутот го имал во царско римскиот период, кога станал мошне значаен урбан центар во областа Девриоп.

Според археологот, од досегашните истражувања се откриени Гимназионот, храмот на императорот, храмот на заштитничката - божицата Тихе, работилница за теракотни икони, светилиште на божество со птичјо лице, единствено на овие простори. и дел од Собранието... На дел од откриеното веќе е извршена конзервација.

Во Стибера се откриени значајни артефакти, меѓу кои и повеќе скулптури на божества и видни граѓани во природна големина.

Joomla Templates and Joomla Extensions by ZooTemplate.Com
 
ПОПУЛАРНИОТ СТРИП ЗА АЛАН ФОРД НА СЦЕНА PDF Печати Е-пошта
Прочитано : 39 пати
Недела, 24 Септември 2017

Театарската работилница Прилеп

Ekipata koja ucestvuva vo   pretstavata na Teatarskata rabotilnica

„Алан Форд и ТНТ во Тотална измама“ во режија на Игор Трпчески, е претставата што утревечер од 20 часот ќе ја изведе Театарската работилница  Прилеп во театарот „Војдан Чернодрински“. Станува збор за независен и алтернативен проект, поддржан од Министерството за култура и неколку прилепски фирми.

- Се собрале, Евреин, Англичанец, Италијанец, Американец, Германец и Македонец во цвеќарница во Њу Јорк и се посветиле на борба со криминалот. Ова е претстава за бегалцитеод целиот свет за кои татковина е планетата земја. Претставата е социјално - политичка и егзистенцијална комедија  кој води од подземјето до највисоките слоеви на Њу Јорк - вели режисерот Трпчески.

Драматург е Дарио Харјачек, сценографијата е на Емил Солески, костимите ги изработи Даниела Настоска, а музиката е на Томе Темелкоски. Видеото го подготви Христијан Конески и ЗД мапинг на Саша Нацески.

Играат:  Илија Волчески, Димитар Ѓорѓиевски,  Виктор Мирчески, Емил Солески, Милан Секулоски, Бобан Смилкоски, Игор Трпче, Димитар Црцороски, Димитрина Мицкоска, Михајло Миленкоски, Методија Костоски,  Томе Темелкоски, Захарија Ангелеска, Надица Дојкоска, Евгенија Јакимоска. Позајмен е гласот на Драган Б. Костиќ, а придружен вокал е Катерина Чакмакоска Клинческа.

Joomla Templates and Joomla Extensions by ZooTemplate.Com
 
„НАЦИОНАЛНА МИТОЛОГИЈА“ ОД ЏЕЛИЛ РУФАТИ PDF Печати Е-пошта
Прочитано : 18 пати
Недела, 24 Септември 2017

Вечерва изложба

Тематската изложба од уметникот Џелил Руфати насловена „Национална митологија“ ќе биде отворена вечерва од 20 часот во ликовната галерија на ЦК „Марко Цепенков“. Изложбата е дел од програмата за годинава, поддржана од Министерството за култура.

Руфати првпат ќе се претстави во Прилеп со творби со интересни уметнички знаци.

- Во уметничкото патешествие остава траги. Тој кали карактери и форми кои резултираат со разни нивоа на претворања од имиџ на уметник во уметнички знаци - фигури, структури, ритми, соодноси на детали и форми. Со длета и чекан создава уметничка идеја за фигурата и историско културно табло на стражарот, војникот или на херојот, каде се отелотворува херојскиот гест со хуманистичката намера за проширување на круговите на човековата слобода. Во делата се препознава и метафората како невидлива форма, или идеја, со која успешно ги поврзува елементите на уметничкото изразување, чувствата и гледиштата - вели Кадри Метај, филозоф - естетичар.

Руфати е дипломец на вајарскиот отсек на Ликовната академија на универзитетот во Приштина, каде и магистрирал. Бил професор во гостиварската гимназија, а сега е професор по вајарство на Тетовскиот универзитет. Имал самостојни изложби  во земјава и странство и бил учесник на повеќе колонии и семинари. Добитник е на повеќе награди.

Joomla Templates and Joomla Extensions by ZooTemplate.Com
 


468

face

anketa

НАСЛОВНА

prognoza