reklama

reklama

reklama

ПРАЗНИ СТОЛЧИЊА НА МОГИЛА PDF Печати Е-пошта
Прочитано : 42 пати
Недела, 24 Септември 2017

Фудбал: Нужна е поголема поддршка за Победа

- Серијата позитивни резултати не беше доволна за гледачите докрај да го исполнат стадионот

Moment od mecot Pobeda - Akademija     Pandev

Ако има спортски бренд во државава, познат по публиката, тоа секако е Победа. Затоа зачудува кога екипата игра пред полупразни трибини, а го заслужува обратното. Серијата позитивни резултати (победата дома со Шкупи, сензационалното реми во Тетово со Шкендија и куп-триумфот во Штип со Брегалница) не привлече доволно публика да се преполни стадионот Могила. На мечот со Академија Пандев (2-2 со головите на Илијовски и Шаркоски), имаше премногу празни столчиња. И на играчите не им е сеедно дали ќе играат пред малку или пред многу гледачи.Присутните се чудеа, прашувајќи се што е причината, а одговорот никој не го знаеше. Од едната трибина се слушаа група најмлади навивачи опремени со знамиња, дресови и реквизити, од другата подржани од повозрасните. За сите нив секоја чест, како и за останатите, главно редовни гледачи на секој меч. Но, недоволен е бројот на публиката да се исполни еден мал стадион. Прилеп со околината брои над 100 илјади жители, а не може да ги наполни трибините на Могила. Само активни фудбалери, тренери и фудбалски работници има над илјада. Ами млади категории во школите? Колку има некогашни фудбалери и тренери од сите клубови, а на трибина ретко да се види некој од нив.

Има необични примери. Ангел Тошевски од Велес на 63 години, облечен во црвен дрес, кога има можност редовно доаѓа во Прилеп да ја гледа Победа. Често оди и на гости. Порачал да купи оригинален дрес. Со нетрпение го чека и низ Велес да го носи со гордост, оти на него ќе пишува ,,Победа Прилеп". Цане Таневски е родум од Ресенско, а во градов се преселил во 1957 година. Оттогаш ја засакал Победа и не пропушта куп, првенствен, ни пријателски меч. Иако навршил 88 години не му е тешко од Тризла да оди пешки до другиот крај на градов.

Има шанси да се поправи сликата. Во средата беше уште еден дуел дома (Победа - Работнички 2-4), а следниот меч дома е на 27 септември, в среда, со Скопје.

Joomla Templates and Joomla Extensions by ZooTemplate.Com
 
ЗГАСНА 11 ОКТОМВРИ? PDF Печати Е-пошта
Прочитано : 60 пати
Недела, 24 Септември 2017

Почнаа првенствата во Општинската лига, а меѓу 27 екипи учеснички го нема името на 11 Октомври. Клубот со седумдецениска историја, со учество и во Првата лига на Македонија, по ланското исклучување од Третата лига - Југ, требаше да почне од најдолниот ранг, но го нема и таму. Да беше жив ќе немаше мир најголемиот навивач, Аце Дрзман, а сега остро реагира легендата на спортското новинарство, Миле Талески.

- Зошто згасна ФК 11 Октомври? Кој го згасна? - прашува Талески.

Joomla Templates and Joomla Extensions by ZooTemplate.Com
 
СПОНЗОР ОД СРБИЈА PDF Печати Е-пошта
Прочитано : 23 пати
Недела, 24 Септември 2017

Џудо

Многу спортски клубови немаат спонзори, а релативно младиот џудо клуб Бушидо, кој по десет дена ќе го слави третиот роденден, успеа да добие спонзор дури од Србија - Моцарт обложувалници. Компанијата со многу филијали во државава, го нашла својот интерес. Сигурно во предвид е земена сериозната клупска организација, резултатите низ петте репрезентативци, а се исплати и упорноста на управата. Преку спонзорот купени се десет лиценцирани кимона од Светската џудо федерација. За возврат истакнат бил транспарент со логото на спонзорот, на турнир во Бјелина, Босна, каде клубот освои десетина медали, како единствен претставник на Македонија.

Joomla Templates and Joomla Extensions by ZooTemplate.Com
 
ИСПУШТЕНО ВОДСТВО PDF Печати Е-пошта
Прочитано : 22 пати
Недела, 24 Септември 2017

Ракомет

Планираните три бода на стартот од Супер лигата беа на дофат за екипата на Прилеп. На гостувањето кај Металург 2 во Скопје, според информациите, во самиот финиш било водството од 27-28. До крајот, домаќините успевале да дадат четири гола во серија, да не примат ниеден и конечниот резултат е во нивна полза, 31-28. За гостинскиот тим, на тренерот Ице Соколески, првиот натпревар во сезонава го одиграа; Јовановски, Ивчески, Петкоски 9, Ѓорѓиески 5, Шаин и Вешоски по 4, Јанчев 3, Рајатовски 2, Бозароски 1, Тодороски, Спасески, Шокоски, Амзоски, Нешкоски и Јанески. Викендов е мечот дома со Пролет.

Во Женската лига, во првото коло, Деспина со млад состав не успеа посериозно да му се спротивстави на Овче Поле од Свети Николе. Гостинките во првото полувреме поведоа со убедливи 9-14, а до крајот на мечот разликата се зголемија и достигна до 22-35. За Овче Поле најмногу голови даде Анчева - 11, а втор стрелец беше довчерашната првотимка на Прилеп, Саздова со 8. Тренерот на Деспина, Страшо Илиески, ги имаше на располагање: Богеска, И. Ристеска, Камческа 13, Крстевска 3, Далевска 2, Јовеска, Цветкоска, Седлоска и Димитрова по 1, С. Спиркоска, Рипилоска и Ристевска.

Во следното коло прилепскиот тим е гостин на Куманово.

Joomla Templates and Joomla Extensions by ZooTemplate.Com
 
ТРИЕСЕТ РЕЈТИНГ ПОЕНИ PDF Печати Е-пошта
Прочитано : 20 пати
Недела, 24 Септември 2017

Шах

Во шахот се е до максимум пресметано. На турнирот во Пула, Хрватска, ФМ Роберт Велески освои 30 рејтинг поени, потребни за натамошен подем, евентулно да стигне до погорна титула - интермајстор. Ги освои затоа што учествуваше на силен турнир, на кој постигна одличен пласман. Беше рангиран како 30-ти, а на конечната табела е на 15 место, со 6 поена. Со отпор загуби од велемајсторот Ферчец, а ремизира со интермајсторот Зуфиќ, двајцата Хрвати.

Учествуваа 139 шахисти.

Joomla Templates and Joomla Extensions by ZooTemplate.Com
 


468

face

anketa

НАСЛОВНА

prognoza